KRESIMENTU PRODUTU SEXUAL ONLINE
Ho dezenvolvimentu ekonómiku no invazaun informasaun global, merkadu online ba produtu sexual hahu buras dadaun iha Timor-Leste. Loja online Sira kontinua hatama produtu ne'ebé claramente bele estraga imajen RDTL. Sira Kontinua aproveita meus komunikasaun Sira hanesan Facebook hodi publika no atrai Sira Nia Maun alin rasik.
IMPAKTU BA EDUKASAUN SEKSUAL
Aspetu ida ne'ebe presija atu konsidera mak impaktu husi produtu sexual ba jovens sira. Recursu no kunesimentu sira ne'ebé la sufisiente, laiha diskusaun abertu/sosializasaun kona-ba seksualidade, sai ameasa ba futuru Rai nee nian.
IMPAKTU BA SAUDE MENTAL;
Uzu produtu sexual sei fo impaktu ba jovens sira nia saúde mental. Jovens balun talvez sente desconfortu, frustadu bele hili dalan nebe badak, (do que iha oan Diak Liu uja). Tanba ne'e, tenki iha esforsu atu fo apoiu adekuadu atu garante katak Timor diferente ho Raí seluk.
DISKUSAUN SOSIAL
Jovens Sira no sosiadede tomak presija ativu atu prevene, Kresimentu produtu sexual online iha Timor-Leste. Individu no grupu balun bele hare ida ne'e hanesan pasu pozitivu Tanba do benefisiu ba Sira, maibé seluk bele hare hanesan mudansa ne'ebé la Diak, estraga valór kultura no relijiaun.
MENSAJEN BA GOVERNO NO AMAN-INAN SIRA;
Ba Governo RDTL;
👉Prioriza Edukasaun Sexual: Ami husu ba governu Timor-Leste atu prioriza edukasaun sexual kompreensivu iha kurikulu edukasaun. Ho nune'e sei ajuda jovens sira atu komprende ho di'ak aspetu sira konaba saúde seksual no relasaun relasaun sexual ne'ebe seguru.
👉Rekursu Saúde Mental: Garante dispoñibilidade ba rekursu saúde mental ne'ebé adekuadu, no nafatin KRIA kampanha hodi prevene utilizasaun ba produtu sexual espesiálmente ba jovens sira ne'ebé vulnerável Liu na imformasaun.
👉Abordajen Abertu/hakbesik'an na jovens sira: Promove abordajen abertu no inkluzivu ba mudansa sosial no kulturál mak parte importante. Fo apoiu ba inisiativu organizasaun sira ne'ebé servisu atu Kria sosializasaun no prevensaun iha sosiedade Nia le'et kona-ba asuntu seksualidade.
Ba Aman-Inan Sira;
👉Komunikasaun iha uma laran importante: koalia ho ita-nia oan sira kona-ba saúde seksual no relasaun seksual ne'ebe seguru. Fahe informasaun ne'ebé di'ak no responde ba sira-nia pergunta ho sinceru. Komunikasaun abertu mak save.
👉Hatene Dezenvolvimentu mental labarik Sira nian: Kada labarik/individu iha mentalidade nebe la hanesan. Inan aman Sira iha papel importante no determinante ba future oan Sira nian no distinu RDTL.
👉Seja Ezemplu Positivu/sai ezemplu diak: Seja ezemplu pozitivu iha relasaun sira, Liu-liu iha uma laran.
👉 Ba parte hotu, tanto governu Ka aman-inan sira, iha papel importante hodi garantia katak jovens sira iha Timor-Leste hetan asesu ba informasaun ne'ebé di'ak, apoiu ne'ebé sira presiza, no komprensasaun ne'ebé equilibradu kona-ba asuntu saúde sexual no relasaun sexual ne'ebe seguru.
KONKLUZAUN
Iha Timor-Leste, kresimentu produtu sexual iha merkadu online hatudu impaktu signifikante ba jovens sira. Edukasaun sexual ne'ebé la sufisiente no falta diskusaun abertu kona-ba seksualidade, saúde seksual no relasaun seguru aumenta sira nia vulnerabilidade. Uzu produtu sexual bele afeta saúde mental no estraga valór kultura no relijiaun. Atu hadi'a situasaun ne'e, governu tenki prioriza edukasaun sexual, fo prioridade ba saúde mental, no promove abordajen abertu. Ami apela ba aman-inan sira atu iha komunikasaun ho sira-nia oan kona-ba asuntu sexual no sai ezemplu pozitivu iha uma laran. Ambos, governu no aman-inan mos iha papel importante hodi garante asesu ba informasaun ne'ebé di'ak no apoiu ba jovens sira.
❤️Hadomi futuru, hadomi Timor❤️.
Moises
04/09/2023
No comments:
Post a Comment